كيفية معالجة مشاكل الابتزاز الالكتروني والفضائح داخل قنوات ومجموعات التليجرام
المقدمة
في حال تعرضت اي فتاة على منصة تليجرام للتشهير او الابتزاز فهي سوف تدخل بأجواء رعب وخوف من القادم ومن الشي يلي ممكن يصير بالايام او اللحظات القادمة كأن ممكن اهلها يدرون او كأن ممكن شخص يعرفها بالمنطقة وتشوه سمعتها وهوواي شغلات ممكن تصير خلال لحظات فقط كما يلجأ البعض من النساء الى الانتحار او الامتثال الى المبتز وفعل كل مايطلبه منهن سواء طلب مبالغ مبالية او طلب من الفتاة طلب امور لا اخلاقية.
شلون تصير عملية التشهير والفضيحة. كل ما بالموضوع اما فتاة تعلقت بشخص ودزتله صورها وهو استغل ثقتها واخذهن وراح نشرهن فضحها. او فتاة قامت بأخذ صور صديقتها وفضحها. او طفل قام بأخذ صور أخته وفضحها. نعم وهو تصير حالات مثل هاي. قبل ايام شخص يبتز اخته ويتحارش بيها من خلال صور ومقاطع موجودة عنده. المهم بغض النظر عن السبب يلي طلعت بي هذه الصور والمقاطع ننتقل الى التفاصيل...
كيف نعالج عمليات التشهير بالقنوات والمجموعات والبوتات على التليجرام.؟
احنه كدعم تطوعي يعني بالنسبة النا منكدر نسوي شي نهائياً يعني الدعم التطوعي بالتليجرام ميكدر يحذف قناة او مجموعة او بوت على المنصة لكن ممكن ننطيك نصائح وارشادات تسهل ولو بالقليل من حل المشكلة
في حال كانت اكو قناة تشهير على المنصة نكدر نعالج الموضوع بطريقتين:
A. من خلال التواصل مع الدعم الفني بصورة مباشرة.نرجع الى النقطة A اعلاه.
شلون نكدر نتواصل مع الدعم الفني للتليجرام ؟
توجد طرق كثيرة للتواصل مع الدعم الفني ومنها:
- بأستخدام الايميل.
- باستخدام الاستمارة.
- باستخدام التليجرام نفسه.
طيب انت الان تقول كيف ذلك وشلون ممكن نتواصل معهم !! راح اشرحلك خطوة خطوة...
1. باستخدام الايميل ويعني نتواصل مع الدعم الفني عن طريق الايميلات الخاصة بيهم ويلي هي:
وتوجد ايميلات اخرى خاصة بالدعم الفني ممكن استخدامها وللدخول اليها اضغط هنا.
2. التواصل مع الدعم الفني عن طريق الاستمارة. للدخول الى الشرح الخاص بالاستمارة اضغط هنا.
3. التواصل مع الدعم الفني بأستخدام تليجرام وممكن ذلك من خلال الضغط هنا او الضغط هنا.
وللمزيد من المعلومات تكدر تتواصل مع الدعم التطوعي من خلال:
الذهاب الى الاعدادات > اسأل سؤال > اسأل متطوع
راح يحولك على حساب خاص بالدعم التطوعي تكدر تتواصل وياهم بكل سهولة من خلاله باللغة العربية والانكليزية.
الان انت تسأل ماذا اكتب لهم في حال اردت التواصل مع الدعم الفني ؟
بكل بساطة اني سابقاً رتبت الكم كود تكدر تستخدمة بالتلبيغ عن القنوات ولنسخ الكود من داخل التليجرام اضغط هنا.
التغيرات والملاحظات بخصوص الكود المستخدم:
- عند كتابة الكود لاتنسى وضع رابط القناة المخالفة في نهاية الكود.
- الكود المستخدم خاص للتبليغ عن قنوات ترهيب النساء وقنوات الابتزاز الالكتروني.
- كلما زاد عدد التبليغات وعدد الاشخاص المبلغين عن القناة كلما زادت سرعة اغلاقها.
- الدعم الفني يطلب من اصحاب المشكلة التواصل مع الدعم الفني مباشرة بدون وسيط.
طيب شنو النقطة B وشلون نطلب المساعدة من جهات مختصة خارج تليجرام ؟
هذه النقطة هنا تعني طلب المساعدة من اشخاص اخرين خارج تليجرام وان يكون شخص ذو خبرة بالهكر الاخلاقي مثلاً.
انا حالياً راح اذكر الكم عدة جهات ممكن تعتمدون عليها بمعالجة مشاكلكم ومشاكل الاخرين ويلي ممكن من خلالها معالجة حالات الابتزاز الالكتروني والمساومات اللاخلاقية وغيرها.
وهذه الجهات هي:
- جهة حكومية عراقية اسمها مكافحة الابتزاز الالكتروني. تكدر تتصل عليهم اتصال مباشر على الشريحة وبسرية تامة حته يلقون القبض على المبتز من خلال استدراجة ونصب كمين اله او اغلاق الحساب بكل بساطة. الارقام التابعة لهم التي ممكن الاتصال من خلالها هي ( 533 او 131 ) او تتواصل مع وزارة الداخلية من خلال الموقع الالكتروني الخاص بهم وطبعا لكل دولة ارقام خاصة بيها.
- حساب على الانستاكرام خاص بـ فريق تيم الضل العسكري التطوعي. للدخول للحساب اضغط هنا.
تكدرون تتواصلون مع هذه الجهات الموثوقة من اجل مساعدتكم في قضايا التشهير (الفضائح) والابتزاز الالكتروني.
نصائح من ذهب
- بالنسبة للبنات لاتثقين بأي شخص حته لو كان حبيبك وتشوفي فارس احلامك وتشوفي ابو الرومانسيات وادزين صورك كلها اله وحته صور خلاعية ادزين من يريد منك بحجه انت مرتي وام جهالي المستقبلية تره كله جذب.
- البنات يلي اجهزتهن نظام اندرويد انتبهوا من موبايلكم لايضيع والصور كلها بي ويطيح بيد واحد ابن حرام.
- لاترحون لأي شخص يكللكم اني اساعدكم اذا طحتوا بمثل هيج مشكلة لاسامح الله. لان يجوز يطلع جذاب وبدال ما يساعدكم راح ياخذ الصور والفيديوهات يضل يبتزكم من خلالهن وتصير بدل المشكلة مشكلتين.